Chatze? Dünns Iisch – isch scho fei guet drüber gschribä worde, u hei di meischte ihri eiget Chatze- Gschichtenä zum brichtä im trauten Kreise und so. Aber itzä – chunt mir haut nüt bessers i Sinn, u drum…… Wo ni hiä häre bi Züglet, si einigi vo denä Chatzeviecher so ums zHüsli gschtrielät – auso, dä wo uf mi Pfäffermünz (es isch de no a Nadu Münzä gsi) gmarkiert het – zersch gnüsslich dran gschnupperet, när zFudi uechä, mit em Schwänzli zitteret u hüh gib im, vo drübert. Mir wärde vermuetli nüm Fründä… Pfui, ää-ääh, abfahre blöds Viech… I meinti haut Pfäffermünzsirup a la Katzenpisse – nö. Cha nüt sy. Aber eini, fei viff, grau mit chli wiis gschlirket isch öppä am Morgä wo ni richtig Büez los zogä bi im Gras gläge, het aus gluegt… Hani mau es Bögli zuechä gmacht – vilich hallo säge, chli chräbelä? Nid mau vilich, isch si dervo, u het mi aagluegt wi:

U du? … Frömdä Fötzu, was wosch i mim Läbe?…

U chuum bini so wit wäg, das cherä u irget öppis usrichte nüm lohnti – stouziert si zum Hüsli – luegt arrogant übere – ätsch – du mir ou… Tja – bin i nid gfragt – chan i so näh macht nüt. Het aber das Viech haut mis Komposchtnetzli gfungä u dr Inhaut grossflächig verteilt – Chäsräuft si schinbar wit obä uf em Menue Salatbletter nid… aber immer wenn i chumä wird bös gluegt u abghouä.

Ischs mittllerwilä wider Winter – hani das de Nachburä verzeut bim Kafi, und es tüeg mir scho leid, i wöu de nid öppe ihri Chatz … ah, di sig nid ihri, ja di chäm öppä ou zu inä…Ja, de miechs nüt, wenn ig ihrä chli Chäsräuft u so gäbi? (Dr Komposcht hanget mittlerwile, ma nid immer wider zämeläse…) Und aus öb sis ghört hätti, steit si mau da und macht miau – mit em ne Piepsistimm ganz fiin. U so fahts haut aah – gönn i däm Tier doch, Foodwaste isch doof. Hei mir mittlerwilä fei e Symbiose – ischs es angers hei cho, ligt das Tier uf em Gländer, u meischt durets wenig vo dert wo dr Töff abgsteut isch, bis di Puusle motoret… Si aber natürli Ritual, Abloif zbeachte:

Wird mau ufgluegt – ahh oh scho da? hmmm. Mau ufhockä, blinzle, e Haubmeterchatz gäge füre, dr anger haub Meter gäge retour gäh, e churze Schläck, no mit em Pföti hurti überä Gring – für Disä simer präsentabel gnue – schmöcki schmöcki lueg – „toink“ mit em Chöpfli dra häre – auso, los chräbel er mal… U meischt wirds de gad chli guet, mues me Chopf a Chopf, unger em Chini dürä – ü da hei mir dezidiert Differänze- vor luter Wöhli tChraue dür tTöffhosä its Bei inä lah u ziä? Vilich für di – für mi? Danke – aber nei danke – näme mir die Pfötli gschider itd Hand… U sclussundamänd mues me du när uf e Chopf ufe chräsme, und isch me immer wider erstuunt – diser isch rund, dä Chopf und es geit hinger abe…… U du isch meischt guet. Bini äuä dr momentan Läbesabschnitts-heschnidgseh – hani aber klar dürä gäh, meint i ämu:

Auso, Liebi chasch ha soviu du wosch – wärdi das schiinbar meh, je meh me dervo gäbi – u wet richtig hunger hesch – Müüs fah weisch ja wiä – Wasser hets im Brunnä … Aber natürli – mittlerwilä gits nid numä tRäuft, sondern öppä no chli Chäs, e Zipfu vor Wurscht, luegt me das no chli Fleisch am Chnochä isch… Passt scho – geit si u chunt wi si hiä würd wonä. I chumä u ga wini wot u wonä tun i ou. Früecher, im ne stressigere Teil vo mim Läbe hani mir vor gno: Wenn i khei Zyt me fing, a Chatz zschtriechlä – müess i mis Läbe änderä… dermit meini heig i geng no rächt.

Faus oppäer fragt – i ha khe Chatz – e Chatz het mi.

FE August 23

Hmmm – war gad ein bitzeli still auf diesem Kanal letzhin quasi so – also still ist es hier immer, ist einfach nix Neues gekommen, leider.
Dabei ist grossomodo eigetli alles recht flockig, von vier Tomätelis tun doch drei langsam fei was, der Vierte – naja – hoffetli gibts ein Spätzünder – und der Resten vom Gärtli – auso für das ich zwei linke, gar nicht grüne Dumen mein eigen nenne bin ich doch fei häppi – und für die meditativen Momente kann ich mit dem geschenkten Handmäher ummenpfurren…
Könnte es an der Muse liegen? Von der Musse also hätte ich eigetli – natürli niä gnue aber doch geng chli, gehe gar zwischen dürren den Gang des Müssigen, ohne aber gad zur Sofakartoffel zu mutieren – auso von dem her…
Hat Sie etwa ein kleiner Bummelstreik eingelegt, die Muse, wegen mangelnder Wertschätzung, die Zwämele? Gut. Geb ichs ja zu – hab ich sie abgfäntileti, fuli Druckke genannt – mehrmals… äuä nid ganz mehrheitsfähig, das… chli leid tuets mir ja scho, aber gad ganz e so elusiv müest si sich ja würkli nid gäh…
Villeicht ist sie eifacht in die Badi, chli go sii? Oder torkelt sich leicht beschwipst von Apero zu Apero durch den Sommer – was weiss ich schon?
Nun also – hierzu kann ich nur Dies komentieren, glasklar und ohne wenn-u-aber: Das mit der Badi und den Aperos find ich an sich völlig in Ordnung, ein absolut gangbarer Weg, wenn wohl etwas mäandernd – aber das di Huderä mi nid mitnimmt – ää-ääh – nö – no go!
Glich gäbig – cha me haut derä chli Tschuld aa-dichte, quasi so chli wi… aber Globi kann nichts dafür…
Und so darf festgestellt werden: Ist zwar praktisch nur geklagt – nichts desto trotz aber sind ein paar Zeilen stehen geblieben – auf der persönlichen „Üüüh Dir Skala“ nicht brutal der Börner aber doch ganz recht…
… kommt mir machmal vor wie beim Bogenbau, die Schreiberei – hat man einen Staven, mit glück gar gerade oder wenigstens interessant, sucht man frisch und mit frohen Mut den Bogen darin, die Form, möglichst dem Holz gerecht werdend – könnte man nun ähnlich dem Michelangelo meinen – der David steht im Marmorblock – brauchst nur das Überflüssige weg zu kloppen…
Und so wird gesucht nach dem passenden Jahresring, feinsäuberlich mit dem Messer gezogen, der Klinge geschabt, dann weg mit dem Groben – hierfür das Beil. Es wird gespahnt, und gekkukt, vorsichtig der erste Bodentiller – und – ja nicht zu viel – was weg ist kommt nicht wieder… biegt sichs Bogenähnlich -ran an den Tiller und so wird, mit Fleiss und Geduld aus einem Stück Holz ein Bogen. Wenn nicht richtig gemacht – hat man ganz viel Spähne, ein aufwändiges Stück Feuerholz und ein richtig mieses Gefühl…

Wie wenn aus einer gefühlt brillanten Idee anstelle eines feschen, dynamischen und inspirierenden Textes eine nichtssagende Wortklauberei übrig bleibt, egal wie sehr bemüht Wörter umenang, Sätze angersch aufgegleist, Abschnitte neu gepiggelet werden…
Tja – gits haut, würde ich meinen – öppis angersch mache oder de haut einä näh…
… wollte ich eigentlich aus dem richtigen Leben heraus über Schreibtischtäter, deren Umfeld, Wirkung und Zweck berichten. Dazu nur so viel:
Schreibtischtäter. Was die tun? khe Ahnig. Wennt ä Schribtisch bruuchsch – vergiss es. Muesch Flättpägg vo Blau-Gäub näh, ussert du hesch e Houzige wo hiuft.

FE Juli 23

Ja, wär mag sich nid erinnerä – passiert e Seich – het me e Schissdräck gmacht oder öppis boosget, oder vilich numä Was nid verhinderet was äbe hätti söuä-chönne verhinderet wärde – weti me ja khe Rätschibase sy – oder het me Öpper la drii loufä – viu sis nid besser verdient, di hingerfotzig Huderä, di blödi…
Ja – da hets du öppe Schimpfis gäh.
Schnäu giuts zlehre, wän mues me für was frage und wenn ischs besser um Verzeihig zbitte ansteu vo dr Erloubniss. Mängsmau isch „eifach mache“ pertinänt – geit erstuunlich guet, wenn die benutzti Infrastruktur wider perfekt hingerlah wird wi mes het vorgfunge. Ja. (Wet haut es Töffli „vertlehnsch“ muesch haut dr Tacho abhängkhe u nachetanke wes haut wider mau wosch bruuche, des Nachts…)
Der bescht Fau isch haut znid la verwütsche – geit aber natürli nid immer – drückt je nach je zGwüssä deräwäg das mes von alei geit gah biechte…
U isch me sich ungerenang ou nid immer einig – di einte hei fei mit de Wort chönnä, di anger gärn öppe mit de Füscht argumentiert – bi de meischte vo dererart isch aber de glücklicherwiis irget eis mau tErkenntnis cho – hmmm – hei mir ungerenang es Veieli, e Platti Nase, Preuige, Schürfige und rundumä tuet aus weh … wird tMueter vom Zuestand vo dr Bechleidig ou nid gad erbout si… si aber khe Schritt witer, u sone richtige Held isch äbe eigetli ou kennä…
Hei da diä wo öppis zsäge hei auergatig verschidenes druf gha um dr Missmuet, dr Ärger und tEntüüschig überä zbringä. Die Eintä bouiä sich vor eim uf, bichömmä e rote Chessu u bäge mau e rundi. Auso aabäget zwärde cha nüt si, aber wet lut wirsch, besteit haut geng zRisiko lächerlich zwürke.
Angeri schüttle nur mittleidig zChöpfli u säge wi unändlich truurig und entüscht si sigä und hätti sis de niä dänkt vo eim… oh nid aagnähm, aber äbe. Für mi si di schlimmschte diä, wos eim erkläre – was äbe di Tat aus hätti chönne u het bewürkt. Das isch ja rächt u guet – het mes meischt säuber scho gschnaut, mache sis aber nid einisch sondern immer wider vo vor. Gfüeut hundert mau het me sich entschuldigt, u sorry, ich maches niä meh gseit – aber nei – chunt me zwenig zerkirscht, reuig oder zertört überä? – was weis ig?
Het mir leider damaus di nötig Confiance kopplet mit em geischtige Schuggi gfäut um chönnä tsäge: Hey, I bi scho am Bodä – muesch nüm dri stüpfe… Was gange isch hani begriffä – i wet mi uf zwider guet mache konzentrierä …
U du chunt me haut its Auter wo me ou zschimpfe het, entüscht und schockiert isch… Macht mes besser? Emu sicher nid immer. Zeint oder anger mau wär i gärn retour, u hät anger Wort gwäut, hani haut gemrkt, füehlt sich dr Beschimpft aagriffe oder gar beleidigt – het mes nid überä bracht oder gratet me wäg vo der Sach.
Isch itz scho baud ewigs här, hei haut di eintä uf em schuuwäg so chli vo hinger em Zuun dürä bäget was mir für Schafseckel, Gesocks u no viu meh sige. Si ig u dr Kolleg fei baff gsi – hei mir gad nid chönnä umä gäh, isch üs derigs Greed eigetli nid erloubt gsi, hei mir aber du gmeint – nö. Choi mir üs nid la gfaue. Hei mir auso trainiert:
U du? Verdammdti Moschtmiubä, verkakkts Stück Scheisse was de bisch – nid mau em Tüüfu ab em Charre gheit – nei- du misslungnigs Labor Experimänt – isch öppä i dim Chopf fieschter, TBirrli klepft, tSicherige dürrä – aber de dünkler aus ire Chuä drin-innä – im Gotthard Tunnäu – nach em Atomare Erschtschlag, u geit me mit em Ohr dra häre, a di Usred vomene Gring ghörsch zMeer ruuschä… Dubbu, Vanille Cornet … u i dämm sinn witer…
… natürli gäge tUhr, Widerholige verbotä u wet einisch stagaggelisch – nochmals von vorn.
U znächscht mau hei di Schnudderbuebe de haut e Wouche vertwütscht – ha ig nid witer gwüsst, isch dr Kumpel iigschprungä – veritabel verbal iigseift hei mir si.
Auso – Mit dr Schimpferei gsehnis so: I wet eigetli nid tContenance verlürä – i chas nid immer – findes aber besser öppis zsäge, wi ou gseit zsbicho aus es muffs Aazschwigä…
Aber für hüt isch guet u znäscht mau de wider chli liechteri Choscht – hoffen i ämu…

FE Juni 23

Mundart. Ehh daich. Was de süsch. Das isch wie tlaffersich, der eint oder anger plagagerets haut, u wes höch chunnt verissä si tSchnörrä u potz lieber Güdu was de äch aus no.
Wet Päch hesch gratisch an ne Liribänz, Pflanzblätzlafferi, Gartehaagprediger e Seyescheichler. Chüschele tüe tMeitschi, tNonne süfzge u luegä hochnäsig läng der Nase nah obenabe, u wet tWiber am schnädere si – chasch scho öppis wöuä meinä, wet zWort chunsch.
Foufäu tönt die Mundart nid geng glliich – fahrsch chli gäge derte wot tSunnä gärn nidzy geit, tönts scho gli angersch – u wet de nid mau brämsisch de wirts no wäusch. I de Högger obä tüä si ou chli appartig, u gäge ufä gluegt, uf der Landcharte auso, wirds fei eiget. Sisch öppe ou guet eso, isch dr Fromage zwar überau dr Chäs aber glücklicherwiis nid geng gliich… U öppe so i der Art chönts ou mit üs Mönsche sy…

U diä vo früecher hei angersch müessä-dörfe oder dörfe-müessä fougeli – hei si angersch gredt isch ja klar … Het me Härdöpfu dri ta u dises druus ta, eis geit i Chäuer u zangere chunt iigmacht, igleit, geliert – was weis i scho – hei si ämu gmacht das es später chasch mangierä, quasi…
Wi das aues gange ischt genau weis i leider nid – hüt hei mir haut Iiichoufszäntre u Verpackig u deräwäg gäbigs – aber jaja – treit jede sis Burdeli – u wärs gliich mängisch spannend chli säuber … kennen i haut de Chööch und anger Gastro-Fiseli wo mirs de vilich bi Glägeheit zeige, wenn i ganz nätt frage… U de nid zvergässe zIgleit-vergorene de ja brönne – weisch wi guet?

Hmmm – hei mir eigetli über zParlirä wöuä brichtä chli – u si mir scho wider bim Ässe – aberaber was söus – het di Frou das Rennvelo…
Göh mir retour zum Grehd, Gliir u Gschnörr u hesch nid gseh…
U de mir? Hei mir natürli ou gärn chli wöuä eiget u angersch sy hei mir du haut gartet u usgartet wis üs grad gmundet het – hei mir üs fei gfaue i der Art. U was doch schön ischt u richtig – versteit me enang so plüs ou moin öb me gad vou cringy itd Pubertät versclüft oder haut ehner gäge zÄnd oder dr Afang geit je nach je wi mes wot gseh…
I meinti redet wi nech dr Schnabu gwachsen isch – nach mir ischs scho rächt.
FE juni 23

Nun ja. War es heute wieder mal soweit – in einer von vielen Zischentönen des Tages – nämli den alltäglich – heiligen Momenten wo zwecks re – Koffe-inierung gschwind innegehalten werden kann und soll – fiel mir ein frisches Druckerzeugniss in die Hand…
Quatsch, Blödsind, und den Habakuk wollen wir auch nicht vergessen – schwebte das Heftli natüterli nicht mit leiser verminderter Quinte aus dem Off über dem Kaffeetischli, um mit Jedi – Meisterlich gehauchten „chuuuuoi-t-phaai“ in meiner Hand zu landen – nö…
Hobla-Goerges.
Bin ich heut wieder mal in Form, völligen Blurch darnieder zu schreiben.
Also. Nochmals von Vorn: Ist mir heut in der Kaffepause ein Fachmagazin in die Hand geraten… Shit – aber scheinbar schreibt man das einfach so – hab ichs in die Hand genommen – aber egal und weiter: Hab ich natürlich selbiges mit berechtigtem Interesse verblättert und inmitten des wiederholt kreativen aber fei compressereten Journaille-Geschreibsels fiel mir das Wundersame
Altvorderen, die
ins Auge. Scho wider. Merde-alors – die Deutsche Sprache – ob wir wohl je Freunde werden?
… Was wohl heute alles noch fallen muss – zu ,hin, weg, ab, auf, ein… Aber was solls – habe ich mir ja selbst im „Warum“ recht liberal die Lizenz zum Flunkern erteilt… Und in Tat und Wahrheit hat mich das Wort Altvorderen fei durch den Tag geholfen, meine ich doch. Ist ebend jenes Wort eines von denen, die man schon mal gehört hat, aber scho lang nüm und so dem Sinn nah zu verstehen meint, aber leider nicht ganz precisement – wenn ihr wisst was ich meine?
Würde das Ge-goggel natürli sofort und in aller Art eine Definition für her geben, und wenn nicht direkt, emel ganz sicher den Weg zur Etymologie aufzeigen. Aber eben, zeitgleich mit dem „Aha“ kommt halt auch eine nachhaltige Entzauberung… jawoll, ich gebs ja zu – bin ich hier hoffnungslos in die Romantik abgedriftet, aber was solls – in meinem Alter… ich gönn mirs nun mal…
Konnt ich halt sinnieren was da eben wohl damit gemeint sei – Altvorderen, die?
Die, die in der Beiz zvorderscht und lautstark mit erhobenen Zeigefinger und krachender Faust auf dem Tisch, und je nach je mehr oder minger Promille, die Welt in Ordnung rücken meinen zu können? Oder sind es die Altersbedingten wo am ehsten in den Sarg und sechs Fuss ungere zu fallen haben bezätweh gepflanzt wollen gewesen sein werden ? Oder gar Die, schon dahingeschieden, deren Wissen, Können und Meinung zwar noch vorhanden oder gar hartnäckig festgefressen nun doch von Neuem ersetzt sein soll?
U de Ig? Bin ich erst alt oder schon vorder? Eigetli Füdlä gliich.. bin nach diesem Tag zufrieden ins Bett gefallen (ätsch) – konnte ich meinem immerwährenden Ziel gerecht werden und minimum an Etwas am Tage Freude haben.
Und Das, werte Lesersternslashwasihrwolltinnen wünsch ich allen an was auch immer auch – ole!

FE Mai 23